Foto - Operativ.Info – Operativ Xəbərlər

Slovakiya nümayəndə heyəti Ulu Öndərin məzarını ziyarət etdi - Foto

Wed, 13 May 2026 16:43:33 +0400

Azərbaycanda səfərdə olan Slovakiya Milli Şurasının sədri Rixard Raşinin başçılıq etdiyi nümayəndə heyəti Fəxri xiyabanı ziyarət edib.

“Operativ.info” AZƏRTAC-a istinadən xəbər verir ki, nümayəndə heyəti xalqımızın Ümummilli Lideri Heydər Əliyevin xatirəsini ehtiramla yad edib, məzarı önünə əklil qoyub, tər güllər düzüb.

Xatırladaq ki, Rixard Raşi ötən axşam ölkəmizə rəsmi səfərə gəlib. Azərbaycan Prezidenti İlham Əliyev bu gün Slovakiya Milli Şurasının sədrinin başçılıq etdiyi nümayəndə heyətini qəbul edib.

Faşizm üzərində Qələbə uğrunda mübarizədə həlak olan Azərbaycan övladlarının xatirəsi ehtiramla anılıb - FOTO

Sat, 09 May 2026 14:09:23 +0400

Mayın 9-da faşizm üzərində tarixi Qələbədən 81 il ötür.

Operativ.info AZƏRTAC-a istinadən xəbər verir ki, bu münasibətlə Azərbaycan Respublikasının Prezidenti, Müzəffər Ali Baş Komandan İlham Əliyev və birinci xanım Mehriban Əliyeva iki dəfə Sovet İttifaqı Qəhrəmanı, tank qoşunları general-mayoru Həzi Aslanovun məzarını ziyarət ediblər.

Dövlətimizin başçısı və birinci xanım Həzi Aslanovun abidəsinin önünə gül dəstələri qoyub, müharibədə həlak olan bütün Azərbaycan övladlarının xatirəsinə ehtiramlarını bildiriblər.

İlham Əliyev və Mehriban Əliyeva Fəxri xiyabanda Heydər Əliyevin məzarını ziyarət ediblər - FOTO

Sat, 09 May 2026 12:00:59 +0400

Mayın 10-u müasir müstəqil Azərbaycanın memarı və qurucusu, xalqımızın dahi oğlu və ümummilli lideri Heydər Əliyevin anadan olmasının 103-cü ildönümü günüdür.

Operativ.info AZƏRTAC-a istinadən xəbər verir ki, bununla əlaqədar Azərbaycan Respublikasının Prezidenti İlham Əliyev və birinci xanım Mehriban Əliyeva mayın 9-da Fəxri xiyabanda ulu öndərin məzarını ziyarət ediblər.

Prezident İlham Əliyev ümummilli lider Heydər Əliyevin məzarı önünə əklil qoyub, ulu öndərin xatirəsini ehtiramla yad edib.

Sonra birinci xanım Mehriban Əliyeva ümummilli liderin xatirəsini dərin hörmətlə anıb.

Azərbaycan Respublikasının Dövlət Himni səsləndirilib.

Dövlətimizin başçısı və birinci xanım ulu öndər Heydər Əliyevin ömür-gün yoldaşı, görkəmli oftalmoloq-alim, akademik Zərifə xanım Əliyevanın xatirəsinə ehtiramlarını ifadə edərək məzarı üzərinə gül dəstələri qoyublar.

Tanınmış dövlət xadimi Əziz Əliyevin və professor Tamerlan Əliyevin də xatirələri yad olunub.

Vergi borcu olan kommunal müəssisə Milli Konservatoriyanın tenderini qazanıb

Mon, 20 Apr 2026 23:48:39 +0400

"Azərbaycan Milli Konservatoriyası" Publik Hüquqi Şəxsi bərk məişət tullantılarının daşınması və zərərsizləşdirməyə təhvil verilməsi xidmətlərinin satın alınması ilə bağlı tenderə yekun vurub.

Satınalma müsabiqəsinin qalibi Bakı Şəhər İcra Hakimiyyətinin tabeliyində olan “Kommunal Xidmətlər Müəssisəsi” MMC seçilib.

Tərəflər arasında ümumi dəyəri 4.505 AZN təşkil edən müqavilə imzalanıb. Diqqətçəkən məqam isə odur ki, qalib gələn dövlət müəssisəsinin hazırda 10.321,25 manat məbləğində vergi borcu mövcuddur.

Qanunvericiliyə görə vergi borcu olan müəssisələrin tenderlərdə iştirakı məhdudlaşdırılsa da, qurumun bu satınalmada qalib elan edilməsi maraq doğurub.

Qeyd edək ki, Bakı Şəhər İcra Hakimiyyətinin başçısı Eldar Əzizovdur.

Həmçinin bildiririk ki, qurumun tabeliyindəki “Kommunal Xidmətlər Müəssisəsi” MMC-nin rəisi (direktoru) Ramsin Abdullayevdir

Azərbaycan Milli Konservatoriyasının (AMK) rəhbəri rektor vəzifəsini sənətşünaslıq elmləri doktoru, professor Kamilə Dadaşzadə icra edir

Mənbə:32gun

Mehriban Əliyeva qızı ilə Antalyada panelə qatıldı - Fotolar

Sat, 18 Apr 2026 16:09:54 +0400

Aprelin 18-də Türkiyənin Antalya şəhərində keçirilən Antalya Diplomatiya Forumu çərçivəsində “Fələstində sülh naminə birləşərək: Təhsil sisteminin məhv edilməsi ilə mübarizə və gələcəyin qorunması” adlı panel iclas təşkil olunub.

“Operativ.info” xəbər verir ki, Azərbaycanın birinci xanımı Mehriban Əliyeva və qızı Leyla Əliyeva tədbirdə iştirak ediblər.

Əvvəlcə qonaqlar Afrika Mədəniyyət Evinin stendi ilə tanış olublar. Türkiyə Respublikasının birinci xanımı Əminə Ərdoğanın təşəbbüsü ilə 2016-cı ildə qurulan Afrika Mədəniyyət Evinin fəaliyyətinin məqsədi afrikalı qadınların əl əməyini təbliğ etmək, onların fəaliyyətini iqtisadi dəyərə çevirmək və mədəni həmrəyliyi gücləndirməkdir.

Türkiyənin birinci xanımı Əminə Ərdoğanın himayəsi altında keçirilən tədbir Fələstinə həsr olunan videoçarxın nümayişi ilə başlayıb.

Tədbirdə çıxış edənlər müharibənin təsirlərinə məruz qalan uşaqlar üçün təhlükəsiz təhsil mühitinin bərpası, dəstək mexanizmlərinin gücləndirilməsi və təhsildə davamlılığın təmin edilməsinin regionun gələcəyi üçün strateji əhəmiyyət daşıdığını bildiriblər.

Türkiyənin birinci xanımı Əminə Ərdoğan çıxış edərək, tədbirdə veriləcək mesajların dünyanın müxtəlif bölgələrində baş verən müharibələrin qurbanı olan uşaqlar üçün yeni bir həyatın ümid işığı olacağına əminliyini vurğulayıb. O, uşaqların və gənclərin bir millətin ümidi və sabahı olduğunu deyərək, zorakılığı təşviq edən ən xırda amillə belə qətiyyətlə mübarizə aparmağın mühüm roluna toxunub.

Sonra xatirə şəkili çəkdirilib.

Daha sonra tədbir iştirakçıları Fələstində münaqişə nəticəsində təhsil sisteminin məhv edilməsinə həsr olunan sərgiyə baxıblar.